krishnagiri electric scooter plant: மின்சார பைக் வடிவமைக்கும் ரோபோக்கள்; கிருஷ்ணகிரியில் உலகளவிலான நிறுவனம்! – a global company designing electric bikes is being set up in krishnagiri


ஹைலைட்ஸ்:

  • உலகின் மிகப்பெரிய மின்சார இருசக்கர வாகன ஆலை
  • வாகன வடிவமைப்பு, தயாரிப்பு பணியில் ரோபோக்கள்
  • 499 ரூபாய்க்கு பைக் முன்பதிவு செய்யும் வசதி துவக்கம்

கிருஷ்ணகிரி மாவட்டம் போச்சம்பள்ளியில் 500 ஏக்கரில் 2,354 கோடி ரூபாய் மதிப்பில் உலகிலேயே மிகப்பெரிய மின்சார இருசக்கர வாகன ஆலையை ஓலா நிறுவனம் அமைத்து வருகிறது.

இதன் வாயிலாக 10 ஆயிரம் பேருக்கு வேலை கிடைக்கும் என எதிர்பார்க்கப்படுகிறது. மேலும் 3,000 ரோபோக்கள் வாகன வடிவமைப்பு மற்றும் தயாரிப்பு பணிகளில் செயற்கை நுண்ணறிவு தொழில்நுட்பத்தில் இயங்கும் 3,000 ரோபோக்கள் பயன்படுத்தப்பட உள்ளன.

இந்தியாவின் உள்ளூர் சந்தை மட்டுமின்றி ஐரோப்பா, ஆசியா, அமெரிக்கா உட்பட பல்வேறு நாடுகளின் சர்வதேச சந்தைகளின் தேவையையும் ஓலா நிறுவனம் பூர்த்தி செய்யும் என அந்த நிறுவனம் அறிவித்துள்ளது.

முன்பதிவு செய்தவர்களுக்கு முன்னுரிமை என்ற அடிப்படையில் இணையதளம் வாயிலாக 499 ரூபாய்க்கு முன்பதிவு வசதியை நிறுவனம் துவங்கியுள்ளது. ஆலையில் முதல் கட்டமாக 1 கோடி மின்சார இருசக்கர வாகனங்களை தயாரிக்க நிறுவனம் திட்டமிட்டுள்ளது.

மிகவும் சிறப்பான எல்.இ.டி., ஹெட்லைட் இருக்கும். அத்துடன், ‘ஓலா ஆப்’பை டவுன்லோடு செய்து ஸ்கூட்டருடன் இணைத்து கொண்டால் அதன் வாயிலாக சாவியே இல்லாமல் ஸ்கூட்டரை ஆன் செய்து கொள்ளும் வசதி செய்யப்படுகிறது.

வாகனத்தின் முன்பகுதியில் தொடுதிரை வசதி இருக்கும் என்பதால் மொபைல் போன் அழைப்புகள், குறுஞ்செய்தி ஆகியவற்றை பார்க்க முடியும். அத்துடன் புளூடூத், பிளைட் மோடு போன்ற வசதிகளும் இருக்க வாய்ப்புள்ளது.

கொடுத்த வாக்குறுதி நிறைவேற்றாத திமுக; தமிழ்நாடு மணல் லாரி சங்கம் குற்றச்சாட்டு!

மேலும் 400 நகரங்களில் 1 லட்சத்துக்கும் அதிகமான, ‘ஹைப்பர் சார்ஜர்’ பாயின்ட்களை அமைக்கவும் நிறுவனம் திட்டமிட்டுள்ளது. இதன்படி 18 நிமிடங்கள் சார்ஜ் செய்தால் 75 கி.மீ., மைலேஜ் கிடைக்கும் என கூறப்படுகிறது.

இந்த பைக் புளூ, பிங்க், கறுப்பு என மூன்று வண்ணங்களில் விற்பனைக்கு வர இருப்பதாக கூறப்படுகிறது. இதன் விலை இன்னும் முடிவாகவில்லை. இருப்பினும் 1 லட்சம் ரூபாய்க்கு குறைவில்லாமல் இருக்கும் என எதிர்பார்க்கப்படுகிறது.



Source link

You may have missed