Harbhajan Singh: வெற்றிமாறன் ‘திரையுலக அர்ஜுனன்’… விஜய் சேதுபதி ‘சினிமா துறவி’ – ஹர்பஜன் சிங்! – harbhajan singh tweet about vetrimaran vijay sethupathi pandiraj in tamil


இயக்குனர் ஜான் பால்ராஜ் மற்றும் ஷாம் சூர்யா எழுதி இயக்கும் புதிய படமான ‘பிரண்ட்ஷிப்‘ மூலம் தமிழ் சினிமாவில் கதாநாயகனாக அறிமுகமாகிறார் ஹர்பஜன்சிங். பிக்பாஸ் நிகழ்ச்சி மூலம் பிரபலம் அடைந்த லாஸ்லியாவும் இந்தப்படத்தில் நடிக்கிறார். இந்நிலையில் இந்தப்படத்தின் முதல் 10 நிமிட ஸ்னீக் பீக் வெளியாகியுள்ளது.

‘பிரண்ட்ஷிப்’ படத்தில் அர்ஜுன், சதீஷ், லாஸ்லியா உள்ளிட்ட பலர் ஹர்பஜன் சிங்குடன் இணைந்து நடித்துள்ளனர். இந்தப் படத்தின் அனைத்து பணிகளும் முடிவடைந்து வெளியீட்டுக்காகக் காத்திருந்தது. இந்நிலையில் தற்போது திரையரங்குகள் திறக்கப்பட்டுள்ளதால் வருகின்ற செப்டம்பர் 17 ஆம் தேதி ‘பிரண்ட்ஷிப்’ படத்தை வெளியிடுவதாக அதிகாரப்பூர்வமாக அறிவித்துள்ளனர் படக்குழுவினர்.

இந்நிலையில் ‘பிரண்ட்ஷிப்’ படத்தின் முதல் 10 நிமிட ஸ்னீக் பீக் வீடியோவை இயக்குநர்கள் வெற்றிமாறன், பாண்டிராஜ் மற்றும் நடிகர் விஜய் சேதுபதி ஆகியோர் வெளியிட்டனர். இவர்களுக்கு நன்றி தெரிவிக்கும் விதமாக ஹர்பஜன் தமிழில் ட்வீட் செய்துள்ளது வைரலாகி வருகிறது.

உஷாரய்யா உஷாரு.. அதுல எல்லாம் நான் இல்லை: ரசிகர்களை எச்சரித்த வடிவேலு!
அதில், சாலமன் பாப்பையா ஐயா குடும்பங்கள் ஒற்றுமையா இருக்க காரணம் ஆண்களா?பெண்களா? அப்பிடினு பட்டிமன்றம் நடத்துனா இயக்குனர் பாண்டிராஜா? அப்பிடினு இன்னுமொரு ஆப்ஷன் குடுக்கணும். அந்த அளவுக்கு உறவுகளோட அருமை பெருமை எடுத்துகாற்ற பாண்டிராஜ் சார் அவர்களுக்கு வாழ்த்துக்களும்! நன்றிகளும்! என பதிவிட்டுள்ளார்.

நடிகர் விஜய் சேதுபதி குறித்து, சேது ஜி ரொம்ப நன்றி.”ஒரு வாரத்துக்கு 3 படம் கொடுக்கும் நீங்கள் ஓய்வு என்னும் வார்த்தையை உதறிய சினிமா துறவி”. உங்கள் உழைப்பு! முயற்சி! ஆளுமை! மனிதர்களை மதிக்கும் குணம்! தலைகனம் இல்லா பண்பு! எல்லாம் தாரு மாரு.நடிப்பு அரக்கன்னா சும்மாவா.பஜ்ஜி ஹாப்பி அண்ணாச்சி! என பதிவிட்டுள்ளார்.

இயக்குனர் வெற்றிமாறன் குறித்து, தோல்வியே பாக்காத மனிதன் உலகத்துல இல்லைனு சொல்லுவாங்க.அந்த சரித்திரத்தை மாத்தி எழுதுன சக்தி வெற்றிமாறன் சார் தான். தோல்வியே உங்கள் வாழ்வில் இல்லை என்பதால் தான் நீங்கள் பிறந்தவுடனே உங்களுக்கு வெற்றிமாறன் என்று பெயர்சூட்டினார்களா சார்? திரையுலக அர்ஜுனன் அவர்களுக்கு நன்றி! என பதிவிட்டுள்ளார். அவரின் இந்த ட்வீட்கள் தற்போது வைரலாகி வருகிறது.



Source link

Related Posts